يحسين أبظمايرنه النسخة الاصلية

[مؤسسة كليم الحسين الفاطمية]

السلام عليك سيدي ابا عبدالله وعلى الارواح التي حلت بفنائك عليك مني سلام الله ابدا ما بقيت وبقي الليل والنهار

قصيدة خالده
وتهز المشاعر
وترعب الظالمين

يحسيـن بضمايرنـه صــــحنه بـــــيك آمــــــنّه
لا صيحة عواطف هاي لا دعـوه ومجــرد رأي
هـذي مـن مبادئنـه صِحـنـه بــك آمــــــــــــنّـه



ابتكوينه البشـر يـحسيـن متسـاوين نوعيــــــه
جسمه ومحتـواه واضـح ومعــــــروف ابتساويّـه
الشئ بـي خفـي ومجهـول نــــزعاتـه النفسيـه
وهيّه بدورهـا اتكشفـه وتظــــــهـرلـك مخافيّـه
تكشفه امـن اتجاهاتـه شر يـو لا حســـــــن نيّـه
واحنـه بنفسـك آمنّـه امـن اعرفـــــــناهـا قدسيّـه
بشخصيتك لمسنه أوصاف مــنوجـدت بشخصيـه
لمسنه بيك أبوالاحرار اعرفـــنـه المـوت حرّيـه
لمسنه التضحيه بشخصك عرفنا الشرف تضحيـه
لمسنه بيك أبي ومتليـن عرفــــنـه الـذل عبوديـه
لمسنه اعله الكرامه اﮔضيت عرفنه انريدها هيّـه
لمسنه ابذلت دم واحييـت عرفنـه الدنيـا وقــــتيـه
لمسنـه قسـوة اعدائـك عرفــــــــنـه احنـه فدائـيـه
أعرفنه انضل بدين يزيد مـن أيـد القــــسـاوة أيـد

وصاحوا بيكم أشركنه صِحـنـه بــك آمــــــــــــنّـه

عن سابق علم يحسيـن وعـن تركيـز بالفــكـره
حبينـاك وأتبعنـاك ونـــــــتوقـع غصـص مــرّه
ونتوقع وقت محذور وساعـات الــتمـر خطـره
مابيـن اليكيـد النه وبــــــــــيـن ايـدبـر الـغـدره
ومـع احساسنـه هـذا والشفـنـاه وننـــــــتـظـره
آمنّـه وتوطنّـه علـى كـل شـي بعـد يــــــجـره
معلوم اليشم ازهـار يوخـزه الشـوك بالشجـره
اعله ريحتكم شنـو ألازهـار نتحمـل أذى الجمـره
تربة كربلاء تشهد المن دمنـه أصبحـت حمـره
ويوم العاشر بعاشـور هـم يشــــهـد مـع الذكـره
وكل طعنة رمح تشهد وكل سيف الطبـر طبـره
كلهـا أتصيـح آمنـه بمحــــــبـتـك يـا ابوالعـتـره
حقيقتنـه وطبيعتنـه اكـــــسبناهـا علـى الفطـره
احنه وكل دمه مهدور وكل طعنه وجرح وأنحـور
أبساحـات الشـرف كلنـه صـــــــحنـه بيـك آمنـه

يحسين ارتبطنه اويـاك بالـدم بالـــــنفـس بالجيـد
مثل ما ﮔلنـه عالفطـره لا صـــــدفـه ولا تعويـد
افرض نشذ عن خطّك ونسير على خــــط ابعيـد
افرض يجتذبنه الكاس ويســحرنه هـوى التجديـد

افرض نلتهـي نقامـر ونـــــــتصـرف بـلا تقييـد

اشما تفرض بعد يحسين اشما نعـمل بعـد ونزيـد

لابـد ماتجـي الساعـه البيهـا نـــــــنتبـه ونعـيـد

لابـد ماهـوه الرحمـه يدركنه ونــــــــرد اجديـد

حتـه انجانه نهـرم ويـــــــضعـف حيلنـه ونبيـد

ولا نكدر نحرك راس ولا نــﮕـدر نحـرك أيـد

ولنشـوف ولا نسمع صوت تسندنـه وسـادة مـوت
بآخـر نفـس احسبنـه صــــــــــحنـه بيـك آمـنّـه



على سيرة عقايدنه أنحبكم يا ابـن داحـي البـاب
فتشنه ابمحبتكم وماظـــــل علـى العيـن احجـاب
لا حب محترف طامع لا حب هاوي شبّ وغاب
حب المحترف عنده ابتحـــقيـق الاربـاح احسـاب
وحب الهاوي يتنقّل ويهوه اعله ساعـه وغاب
الحب حبنه العله الفطره العل معتقد بالالباب
روّاد الاصـول أتكول عاليعــــــتقـد مـا ينعـاب
حبيناكـم واحنـه ابيـن الـرحــــــــــم والاصــلاب
على هاي العقيده نسيراالحاضر واليجي والغاب
على كل صوت من عدكم نرفع صوتنه بأيجاب
أبصوتك من صحت يحسين هل مِن ناصر الهالدين
مابيـن الاصـلاب احنـه صحـــــــــنـه بيـك آمنّـه



مر بينه علـى حبـك دور لا يِـــــــنِّسـه ولا يِخفـه
مـن عدوانـك الچانـت بينـه تريــــــــــــد تتشـفّـه
علينه افرضـو أحكـام أبـلا رحـــــــمـه ولا رأفـه
ثبتنـه بثقـه وبرهنّـه للظالـم رغــــــــــــــم أنـفـه
حتى من نجي نـزورك علـى العـــــــادات المأتلفـه
يتحجـج علينـه ايريـد يمنــــــــعنـه ابألـف حرفـه
ﮔال الي يزور حسين واله مهمـــــا يكـن ظرفـه
عليه ميّة ذهب يدفـع رسـم ازيـــــارتـه ايكلفـه
دفعنه وكل شخص مِنّه يشعـر بعــــــده مـا وفّـه
شنهو الذهب شنهو المال اليحب يتوطـن الحتفـه
رد ﮔال اليزور حسين امن ايـده ينــﮕــطـع چفّـه
انطينه اچفوفنه بالحال وركــضنه نـزورك بلهفـه
عنك ما منعنه الخوف ﮔطعـو من ادينـه چفـوف
مـن الالـم مـا صحنـه صحنـه بيـــــــــــك آمنّـه



عشت يبن النبـي فتـره يصعــــب علـ اليحددهـه
مـات النبـي وأنظمتـه جددت عهـــــــد مولدهـه
والنـاس ابكفـر وبديـن مضـــــــطربـه عقايـدهـه
ولن حكم ابـن ابوسفيـان بـده للنظـــــــم يفسدهـه
ودين الدوله صح إسلام يصـــمّ احلـوك ويسدهه
ياديـن وأميـر الشـام الهالچلـمـــــــــــه يـرددهـه
مـا قاتلتكـم للصـوم لا حــــــــــــج لا محمـدهـه
بهالذهنيـه والمفهـوم الأمـــــــور اخلافـه مهّدهـه
وعلى دين الملوك النـاس اشمـا تعــــبـد تقلدهـه
ابهالرد الفعـل يحسيـن بهالفوضـــــــه التشاهدهـه
ﮔمت واطلقت هالصرخه المـا تــــتـأول الضدهـه
إن لـم يستقـم هالديـن ﮔلتهـا واثبـــــــتـت عِدهـه
وبضد چلمتك لن صـوت ارتفـع نيــــتـه يفنّدهـه
صاحو خارجي وصحنه يحسيـن انتــــــه سيّدهـه
صاحو اشركت يحسين صحنه انت اصول الديـن
صاحـو بيكـم اكفرنـه صحنـه بيــــــــــــك آمـنّـه
يــحـــســـيـــن يــضــمــايــرنـــه

نسالكم الدعاء