|
#1
06-28-2011, 10:08 PM
|
|||
|
|||
الام زينب
يزينب .... عفاج اشكد صبرتي يزينب000 عذاب اوظيم شفتي تكولين الزلم بالطف كضت كلهه عكبكم هالحرم عباس ياهو الهه يزينب ... عفاج اشكد صبرتي ------------ ----------------------------- يزينب قصة العباس معروفــــــه عليه اتجمّعت الاف مالوفــــــــه وكع بالمشرعه ومكطعه اجفوفه عليه دارت يزينب عسكر الكوفه يزينب... شفت رايه اويلزنود يزينب... شفت عباس والجود تصيح ابصوت زينب عللي جافلهه عكبكم هالحرم عباس ياهو الهه يزينب... عفاج اشكد صبرتي -------------------------------------- يزينب من رجع مقهور الحسين ظهر مكسور عنده اوتهمل العين يزينب بالمخيم صار الونين رقيه اتصيح ياعمي غبت وين بقه اوحيد... ابو السجاد بالطف يعاين... على العباس والجف رقيه اخلاف عينك ياهو يندلهه عكبكم هالحرم عباس ياهوالهه يزينب عفاج اشكدة صبرتي --------------------------------------------- يكل لسكينه عمج طاح بالسوح رحت يمه او شفت بيه كثره الجروح اوفوك العلكمي خليت مطروح عله عمج يسكنه زيدي النوح يزينب... اخوج انصاب بالراس يزينب يخيتي راح عباس بعد ياهو اليجي لجروحج ايشلهه عكبكم هالحرم عباس ياهو الهه يزينب... عفاج اشكد صبرتي ---------------------------------------------- تعنت زينب او راحت للعضيد لكت عباس مذبوح امن الوريد عليه كامت تنوح او سكنت البيد تون يمه ابحزن ما تقبل اتهيد تحاجيه... تكله ياجفيلي يعباس ... عليك انهدم حيلي يعباس اليتامه العطش جاتلهه عكبكم هالحرم عباس ياهو الهه يزينب... عفاج اشكد صبرتي ---------------------------------------------- يحامي اعله المخيم ظل الحسين عليه دارت اجيوش الكوفه صوبين وحيد او ما اله ناصر ولا امعين اخوته او صحبته كلهم مطاعين اوصيج... يزينب باليتامه علامه... انا عندي علامه ركبتي تنكطع والرمح شايلهه عكبكم هالحرم عباس ياهو الهه يزينب...عفاج اشكد صبرتي ----------------------------------- يزينب عالرماح الروس تنشال اصبري اعله الجرى او لميلي العيال يزينب باجر الحدايه الانذال او عله امتون الحريم اسياط تنهال يزينب ... اوصيج بوصيه يزينب... احفظيلي رقيه يزيد ابمجلسه متقصد يذلهه او عكبكم هالحرم عباس ياهو الهه يزينب... عفاج اشكد صبرتي خادم اهل البيت علي عبد الرضا السعيدي 
|
|
#2
06-28-2011, 10:18 PM
|
||||
|
||||
|
ماشاء الله تبارك الله قصيدة اكثير حلووه برك الله فيك
|
|
#3
06-29-2011, 06:22 PM
|
|||
|
|||
|
ماشاء الله قصيده رائعه تقبلـ / يـ مروريـ .gif "1 (2)")
|
|
#4
06-30-2011, 10:47 AM
|
|||
|
|||
|
شكرا لمروركم الرائع بارك الله فيكم وجعلكم من خدام الحسين وشفلعته
|
 |
| مواقع النشر (المفضلة) |
| الكلمات الدلالية (Tags) |
| الام, زينب |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
All times are GMT +3.5. The time now is 09:54 AM.