تكملت رواية كلي لها وماملك قلبي غيرها ****

[اطياف راحلة]

بسم الله الرحمن الرحيم
السلام عليكم ورحمة الله وبركاته
الجزء الثاني :

إشتيـــــــاقي لك غريب
إســــأل إحساسك يجيب
إنــــــك النـــــور لحياتي
إنت شوقي وإنت ذاتي
إنت كل الحب فيني
انت قلبي إنت عيني
إنت نبضي بالحياة
صار حبي لك جنووون
بس لك عندي سؤال
بعد كل اللي قريته
**** أنا لقلبــــــــــك من أكون ؟؟!! ****
** ** ** ** **
طلال مسك يدها وناظرها وبعين نزل راسه بحــــــــزن
طلال:مهـــــــا ليش تكرهيني
مها لفت وجهه عنه بغرور :إيه أكرهــــــــــك أرتحــــــــت
طلال أبتسم بحزن ولف وجهه بيده:من قلبـــــــك
مها وهي تفك يده اللي ماسكه يدها:من كـــــــــل قلبــــــــــي أوووووووف
ولفت عنه ومشت وطلعت من المطبخ

طلال وهو يناظر مكان ماطلعت:دومك تزيدين جروحي جروح يالغالية
تنهد وطلع وجلس يمشي في المزرعه لين ماقادته رجول لين عند المسبح
جلس ونزل رجوله وهو يناظر في صفاء المويه اللي يحسها منوره بنور القمر رفع عينه للقمر وابتسم بحززن

عند نواف
نواف كان يمشي بتاه باب المطبخ الخلفي للبيت
قابل مازن في يده كورة ويلعب فيها
نواف:مزون شفت طلال
مازن:أي عند المسبح
ومشى
نواف يكلم نفسه:عند المسبح موقال بيروح يجيب حلا هز راسه وراح له

عند البنات دخلت وهي معصبه وراحت جلست جنب حلا وهيا تهز رجلها من العصبيه
حلا:وش فيك هزيتي الكنبه اهجدي
مها بقهر وبهمس:قاهرني هالطلال
حلا بأستغراب:طلال وش فيه ويش سوى ووين الحلا اللي بتجيبيه
مها:أي حلا هو خلى فيها حلا تخيلي وحكتها كل اللي صار
حلا وهيا تضرب بيدها على رجلها:ههههههههه يعجبني هالطلال يابنت يحبك افهمي
مها:حبته القراد ماحبه اوف مايفهم فاضحني عند الكل مابقي احد ماقال له انه يحبني وبعدين معاه
حلال:واكيد هواشتيه زي العاده
مها:افا عليكي مسحت بكرامته الأرض
حلال:والله انه يحزني احمدي ربك فيه أحد يحبك هالكثر
مها:لامابي خلي حبه له
حلا:ايمعني اللحين وخلينا من طلال متى بنفذ الخطه
مها وهي تتذكر وبحماس لفت عليها:اوكي خليها بكرة في الليل لما يجون البنات نبي معانا رنده أنا كلمتها وتحمست للفكره
حلا:حلو يالله امشي نروح نجهز الأغراض
مها:يالله وطلعو فوق

****************************************
عند نواف

مشى وشاف طلال جالس عند المسبح ومنزل رجل في المويه ورجل ثانيها ومتكي عليها بيده وشكله سرحان

راح عنده وجلس جنبه وطلال مو حاس فيه

نواف ويحرك يده قدام وجه طلال:هي ياأخ وين وصلت
طلال وهو يقوم من سرحانه على صوت نواف:ها لا معاك
نواف وهو يضحك:هههههههه وين معاي وانا لي ساعه جالس مو حاس فيني
طلال:لابس سرحت شوي
نواف:اللي ماخذ عقلك
طلال:ومن في غيرها
نواف نزل راسه:اها قلت لي
رفع راسه وناظر في عيون طلال:وش اللي صار
طلال حكاه كل شي مايخبي شي عن صاحبه واخوه وتؤم روحه
نواف:تدري انت غلطان
طلال:غلطان ليش وش سويت
نواف:خليها فحالها صدقني متضايقه من تصرفاتك
طلال:اخليها فحالها شلون
نواف:لاتكلمها ولاعاد تشوفها
طلال يضحك بسخريه:أخليها ههه مستحيل انت تطلب المستحيل أنا إذا مر أسبوع وماشفتها مدري وش يصير فيني أنت أكثر واحد تعرف وش كثررررررررر أحبها يانواف
نواف:والله عارف بس أنت قاعد تعذب نفسك على وحده مي مهتمه لك
طلال:يكفي أني مهتم فيها
نواف وهو ياأس منه:بكيفــــــــك
نواف وهو يتذكر"والحلا اللي بتجيبه وينه"
طلال:ههههه في المطبخ شكلها ماخذته
نواف وجاته فكرة:أمش نروح ناخذه
طلال تحمس للفكرة:يالله أمش
وراحو ودخلو المطبخ من الباب الخلفي شافو الحلا مكانه والشغالات ينظفون المطبخ واللي تطبخ واللي تغسل الخ
طلال وهو يأشر على الطاوله:هذا هو
نواف راح وأخذ الصينيه اللي حجمها كبيررررر وحطها في صحن واخذ صحون وشوكات وشاف جنبها ثلاجة القهوة وفناجين كثيرة مرصوصة في صحن
نواف يكلم طلال:طلول خذ القهوة والحقني
شالها طلال وخرجو وراحو الحديقه وجلسو على البساط
نواف شاف يزن
نواف:يزون نادا الرجال والشباب وجدي وتعالو حلا لايفوتكم
يزن بس سمع سيرت حلا<<الشغله فيها أكل راح بسرعه نادهم اللي كانو منهم يلعبو كورة قدم واللي يتفرجو واللي يسولفو

شوي شوي بدو يتجمعون
الجد:ماشاء الله من سوا هالحلا
طلال:ااااا الحريم وقالووو للشغاله تجيبه وعطتنا هو
يالله نواف وزع وأنا بصب القهوةالجد:ماشاء الله عليكم أنا أشهد أنكم رجاجيل
نواف:تسلم ياجد
فارس:ياعيني ياعيني مدحكم جدي من قدكم
طلال بغرور:ليش أنتم توصلون لنا
تركي:اقول بلا غرور
نواف:طلول إذا نقصك غرور دور عند ذولا الأثنين يقصد <<فارس وتركي
يزن:يووه يالله متى يجي دوري جعت
وليد:وأنت دومك جوعان
يزن:شي مايخصك ماتفهم انت كم مره اقولك مالك شغل فيني
نواف:خذ خذ بس لاتموت علينا<<وهو يناوله الصحن

عند البنات
مها:خلاص كل شي تمام
حلا:اوكي يالله ننزل تحت
مها:اوكي
ونزلوو وصلو لين آخر عتبه في الدرج:مها انتي روحي وانا بجيب الحلا وأجي
حلا:أساعدك مها:لاقلبو الشغالات فيه وراحت
وحلا راحت للبنات
دخلت مها المطبخ ناظرت على الطاوله مافي شي
مها تكلم نفسها:وين راح أنا حاطته هنا حتى القهوة وينها معقوله اخذوه البنات لالا خل أروح أشوف
طلعت وراحت الصالة عند البنات اللي يسولفو واللي تلعب على الاب توب واللي يتهاوشون على رموت التلفزيون
مها تصايح بصوتها عشان يسمعوها:بنات من أخذ الحلا اللي في المطبخ
حلا:ليه مالقيتيه
مها:لا بنات أعترفو من شاله
دانه:ماأخذناه ولاندري عنه ليه وش شايفتنا مشافيح
رغد:ولاموشايفين خير
مها:مالت عليكم موقصدي كذا بس انا حطيته ورحت انا وحلا فوق رجعت مالقيته
غلا:أسألي عنه الشغالات
راحت مها ودخلت المطبخ
مها:هي انتي
الشغاله :يس مدام
مها:مدام في عينك المهم وينلا الحلا والقهوة اللي كانت هنا
الشغاله وهي تتذكر:إي هد ايجي اثنين ولد ياخذ ويروح
مها:مين هما
الشغاله:مافي يعرف
مها:طيب خلاص روحي
طلعت مها وراحت قالت لحلا
حلا:أها قلتي لي أمشي اللبسي عباتك والحقيني
مها:وين
حلال وهي تسحبها:أمشي ومالك شغل
راحت مها وأخذت عباتها هيا وحلا من دولاب العبايات وطلعو من الباب حق البيت وطلعو
حلا وهي تمشي وفجأه وقفت
مها:وش فيك وقفتي
حلا وهي تأشر لها بيدها:ناظري
مها وتناظر مكان ماتأشر حلا:اها ماشاء الله كلهم متجمعين
حلا:أمشي نروح لهممها:لاأستحي كلهم فشله
حلا وهي تسحبها:أمشي بلا دلع
ومشو وراحو لهم
*********************
في مكان ثاني وفي دنيا غير دنيا كلها عذاب وظلم وقهر

دخل وهو حاط غترته على كتفه والدخان بيده
سكر الباب ومشى وقعد بالصالة
وجلس يدخن وهو يفكر
شوي نزلت وشافته وأبتسمت
راحت وجلست بالكنبة اللي جنبه وه أبتسم لها أبتسامه فهمتها
أم خالد:قول وش عندك الأبتسامه وراها شي
أبو خالد:هههههههه تعجبين أنك دوم فاهمتني
أمخالد:يالله قول شنو
أبو خالد:في واحد أسمه أبو خليل يبي يتزوج
أمخالد:إي وبعدين
أبوخالد:وقالي إذا عندي له عروس وقلت له أبشر عندي ها وش رايك نزوجه جنى ونفتك منها ونفس الوقت نربح
أمخالد:وشلون مافهمت أبوخالد:أن أفهمك أسمعي

قبلها بلحظات طلعت من المطبخ بتصعد غرفتها تعبت اليوم أشتغلت بما فيه الكفايه
أتجهت للدرج بس في شي خلاااها توقف غصب عنها "وش رايك نزوجه جنى ونفتك منها ونفس الوقت نربح"
رجعت بخطوات هاديه ووقفت عند طرف الصالة بحيث مايقدرو يشوفها
أبو خالد:يكمل أبوخليل عمر9 أو 60 سنة وزوجته متوفيه وعنده 5 أولاد وبنتين كلهم متزوجين معدا ولده الصغيروهو أول سنة بالجامعه بس عنده خير عنده بقالتين وعنده مخبز وكفتيريا وأكيد عنده حساب بالبنك لاوعنده بيت ملك بس حلو وفي حي راقي ها وش رايك
أم خالد: بس وش يضمن لك أننا بنربح لو زوجناها له
أبو خالد:أولاً المهر بخليه يدفع 100 الف عشان فرق العمر وراح يضطر يدفع وراح ناخذه وثانياً راح نضغط على جنى بعد الزواج ونخليها تخليه يعطيها فلوس او يفتح لها حساب بالبنك وكل شي راح يكون لنا مصيره بيموت وبتورثه ومردها لنااا
أم خالد وأبتسامة خبث على وجها:وتقهى جنوووه بتوافق
أبوخالد:غصباً عنها

جنى هنا خلاص ماقدرت تتحمل حطت يدها على فمها من الصدمة
جنى بهمس:إيش يزوجوني عشان ينفكون مني ويربحون من وراي ليش لهدرجة أنا رخيصه عندهم

ماقدرت تتحمل وطلعت جررررررررري على غرفتها

أبو خالد:يالله أنا بروح بدق على أبو خليل أخليه يمرنا عشان نتفق على كل شي وأنتي روحي خبري جنووه و وخليها تتجهز
أمخالد:أنشاء الله وطلعت
راحت وفكت الباب عليها
جنى أول ماشافتها مسحت دموعها
أم خالد وهي حاطه يدها على مقبض الباب:اسمعي علم يوصلك ويتعداك في واحد يبي يتزوجك وابو خالد يكلمه عشان بيحدد معاه موعد يجي عشان الملكه بس حنا عشان مانظلمك حطينا عندك خبر وياويلك أن قلتي مابيه ترى مصيرك الشارع فاهمه وقول ماقلت وطلعت
وجنى انهارت على السرير تبكي ودفنت راسها بمخدتها اللي القطن اللي داخلها من قدم المخده صار يتطاير منها وكأنه مايبي يذوب من دموعها
جن وهي تضرب بيدها المخده:ليه في ظلم أكثر من اللي أنا فيه حرام عليكم حرام
وراحت أم خالد وعلمت بناتها وجلسو يضحكون وكل وحده تتخيل جنى وهي ماشيه معاه



في المزرعه وبالتحديد في الحديقه

مشت حلا ووراها مها أول ماقربو
شافهم طلال طلال وهو يدق نواف بكوعه ويأشر له بعيونه شوف
نواف لف وجهه وشافهم وأبتسم بخبث:ماعليك منهم ولاكأنا عاملين شي

حلا قربت هيا ومها منهم ووقفو على طرف البساط :السلام عليكم
الكل:وعليكم السلام
الجد:هلا والله ببنياتي أقلطو<<ماعنده وقت
مها أستحت وحلا :لاشكراً ياجدي مستعجلين بس جايين في مهمه
نواف:أكشخ يامهمه نقيبه ولارقيبه وأنا مدري
حلا:هي هي ماتضحك وتوجه كلامها لمها:هذا حلاكي
مها وهي تناظر بقايا حلاها في الصينيه:إي
حلا:أعترفو مين سرقه من المطبخ
فارس:وشو سرقه
حلا:هذا حلا مها هيا سوته وخلته في المطبخ وطلعت رجعت مالقته وسألت الشغاله قالت لها في اثنين منكم جو وأخذوه
نواف بأستهزاء:ماقالت مين
حلا:للأسف ماقالت
طلال:وأنا أقووول ليش حلو وزايد حلاه أثر مها اللي مصلحته
نواف وهو يسوي نفسة يقيم :ربة بيت ممتازة أضن أن لكي مستقبل باه
رمه وججها صار احمر من الخجلمن كلامهم ا:بس أنت وهو من أخذ الحلا
أبو تركي:أفا يبى يامها مستخسره فينا الحلا
مها تفشلت:لاوالله موقصدي يبى بالعافيه عليكم معدا اللي خذوه بس ليه ماقالو لنا كنا جبناه لكم بأنفسنا تستاهلون
أبو فهد وهو يناظر في طلال ونواف بخبث:والله يابنيتي طلال ونواف نادونا وقالو الحريم اللي صلحوه ورسلوه مع الشغالات لنا
مها بقهر:وربي أنا سويته كذابين
نواف بعصبية مصطنعة:وشو كذابين حسني الفاظك أصغر عيالك حنا
حلا وهي ولاهااامها:وستين كذابين عساك بالسم أنت وه
وطلال:هي هي لاتدعين بنجبلكم غيره من أحسن مخبز حلويات
مها وهي تناظره بقهر:أتحدى في مخبز يسوي مثل حلاي
فارس بسخرية:الشيفه منال العالم وأنا مدري
تركي:حلووووووووووه بس لاعاد تستهزء بأختي
ما:لافيك الخير ومشت وراها حلا اللي أعطت نواف نظرة ومشت
والشباب:هههههههههههههههه
الجد وهو يوجه كلامه لطلال ونواف:انتم متى بتعقلون وتبطلون حركاتكم ذي
فارس:هههههههه جدي مو توهم رجاجيل
الجد:كنت مغشوش فيهم

الكل معدا نواف وطلال:هههههههههههههه


"في بيت أبو خالد"

دقا أبو خالد على أبو خليل

أبو خالد:الو
أبو خليل:هلا والله
أبو خالد:هلا فيك أخبارك وأخبار العيال
أبو خليل:كلهم زينين وأنت طمني عنك
أبو خالد بضحكه:ههههههه انا ولا العروس
أبو خليل بضحكه بينة تجاعيد وجهه لكبر سنه:ههههه الأثنين
أبو خالد:كلنا بخير وحياك الله بأي وقت وجيب معاك الملاك
أبو خليل بفرحة:من جدك تحكي
أبو خالد:أفا عليك والعروسة موافقه بس المهرر من اللحين أقول لك 100 الف
أبو خليل:مو كأنه كثير
أبو خالد:لاموكثير العروس صغيرة وحلوه وتبي تدلع نفسها ها وش قلت
أبو خليل سكت شوي بعدين :خلاص أتفقنا عطني مهله يومين أجهز نفسي وأوضاعي وأجيكم
أبو خالد:حياك الله

يالله مع السلامه
أبو خالد:في أمان الله
سكر أبو خالد منه وعلى وجهه أبتسامه وهو يفكر في اللي جاييه من خير
وماجلس يفكر بحال جنى المسكينه وش راح يكوووون

فوق في غرفة مريم وأنوار
مريم:أمشي نروح نشوف جنووه ونتسلى عليها شوي
أنوار:هههههههه ياللهوراحو وفتحو باب غرفتها بدون أذن ودخلو ووقفو عند الباب
مريم:لالاحرام تبكي
أنوار:تصدقين حزنتيني
مريم:من قدك جنووه بتعرسي قبلنا
أنوار:لاومن زينة الشباب
مريم:هههههههههه قصدك زينة الشياب
مريم +أنوار:ههههههههههههههه
جنى مسحت دموعها ووقفت ومرت من جنبهم
أنوار:اكيد بتروحي تقولي لأبوي أنك موافقه
مريم:أكيد تحمد ربها
طنشتهم جنى ونزلت وقابلت عمها في الدرج ناظرته نظره وهو ولاأهتم ومر من جنبها وطلع وهي نزلت وراحت الحوش وجلستعلى الكرسي الموجود وهي تبكي وتفكر بصمت شنو بتسوي عشان تنقض نفسها من هالزواجه
**************************************************

[شمع الامل...]

يعطيك ربي الف عافية
على الرواية وعلى الجهد المبذول
موفقة ان شاء الله
تحيااااااتي لك
ولك احلى تقيم مني
شموووعه انا

[Just smile...]

مشكـووره ع الروايه الحلـووة