عاصمة الحزن

[مؤسسة كليم الحسين الفاطمية]

عاصمة الحزن


كربلا يا كربلا يا كربلا
انتي يا أرض الحسين صرتي رمز الثائرين

كربلا والرتـــــــــبه الج تعله لواء
وعالمتن تآج المـــــعزه من دماء
قائد انتــــــي بالأرض قدتي الاباء
وبرلمان الحق تسودي الرؤوساء
انتي دستور الشعوب للظلم أسمج يذوب
انتي عز المؤمنين صرتي رمز الثائرين
كربلا يا كربلا يا كربلا

كربلا ومــــــنج يشــع نور المحبه
بالاخوه بالـــــــــمعزه اباعله رتبه
انتي تربه وتربتج بالقــــــــمه قبه
الكون جسم وكربله المهيوبه قلبه
للدول كربلا قبله وللملل كربلا مله
انتي عز العاشقين صرتي رمز الثائرين
كربلا يا كربلا يا كربلا

كربلا ومنج تعلـــــــــــــمنه الوفه
سيدة وتحله الج هذي الصـــــــفه
انتي جنه وتربــــــــتج بيها الشفه
وانتي نغمة عشك تــغزي العاطفه
رحمة الله الواسعه نعمة الله الشافعه
انتي باب المذنبين صرتي رمز الثائرين
كربلا يا كربلا يا كربلا


انتي نعمه ومنج الرحـــــــــمه تفيح
انتي صرخة حق عداله ابحق تصيح
انتي ثوره اعله الظــلم باسمج يطيح
انتي مرسومه ابدمه ابـــــــدم الذبيح
ابنحره قدم ملحمه اعلينه صارات اوسمه
وبيها احنه مقتدين صرتي رمز الثائرين
كربلا يا كربلا يا كربلا

كربلا ومنج تعـــــــــــــــــلمنه الصبر
ثورة الحق نهــــــــــظتج حتى النصر
كربلا معنى الحــــــــــــــزن وأم القهر
كربلا روح القداسه والـشهاده والظفر
يا وضوء الماء صرتي يا صلاة الروح انتي
كربلا الحصن الحصين صرتي رمز الثائرين
كربلا يا كربلا يا كربلا

كربلا وبيج انذبح أشرف رجل
ودمه ابكاعج نـزف ويه الطفل
يا مصاب البـــيج ما شفنه مثل
والمصابه المثل يظـرب بالمثل
للحزن انتي عاصمه للعزه عبره دائمه
الحزنج احنه نادبين صرتي رمز الثائرين
كربلا يا كربلا يا كربلا

كربلا ارض المـــــآسي والسواد
كربلا ارض الهــــــظايم والحداد
كربلا ارض المـــــــعزه والجهاد
كربلا والصرخه تدوي لا للفساد
كربلا ارض العداله بابها عرش الجلاله
كربلا الحبل المبين صرتي رمز الثائرين
كربلا يا كربلا يا كربلا

كلمات كليم الحسين بسام الشمري
ونسالكم الدعاء

[دفئ القلوب]

اللهم صلى على محمد وال محمد وعجل فرجهم ياكريم
شاعرنا المتالق كليم الحسين بسام الشمرى

كربلا ومنج تعلـــــــــــــمنه الوفه
سيدة وتحله الج هذي الصـــــــفه
انتي جنه وتربــــــــتج بيها الشفه

سلمت يمناك وعطر الله انفاسك بريح الجنه
وبارك الله فيك خادم اهل البيت وبارك الله فى والديك
وقضى الله حوائجكم وطرح الخير فى طريقكم
وجعلك دخرا لخدمه الاطهار عليهم السلام
وثبتنا الله واياكم على ولايتهم والبراءه من اعدائهم
ورزقك الله راحه وسعاده دايمه
لا حرمنا الله منك ومن قلمك المبارك
فعوافى على هدا الابداع
وماجورين

[مؤسسة كليم الحسين الفاطمية]

أنتم التألق والابداع المتواصل
وجودكم اسعدنا
كل الهلا والغلا فيكم اختنا الموالية الكريمه

[دموع الشوق...]

كربلا يا كربلا يا كربلا
انتي يا أرض الحسين صرتي رمز الثائرين

الســلام عليك ياأبا عبد الله

روعـــه .. يعطيك العافيه

[مؤسسة كليم الحسين الفاطمية]

وجودكم هو الاروع
والمبارك
يا خدام وعشاق الحسين
ربي يسلمكم

[ساكن قلبي...]

روووووووووووووووووووعه الأشعار والله لأول مره ارى القسم
ما شاء الله اخ بسام الشمري روووووووووووووعه كتاباتك
اخ بسام ممكن القي اشعارك عندنا بحسينيه جدي لأن وايد عجبوني
والله لروعه قلمك بالتوفيق ومن المتابعين ان شاء الله دووووووووم
تبارك الله اللهم صلّ على محمد وال ومحمد

[مؤسسة كليم الحسين الفاطمية]

المشاركة الأصلية كتبت بواسطة ساكن قلبي

روووووووووووووووووووعه الأشعار والله لأول مره ارى القسم
ما شاء الله اخ بسام الشمري روووووووووووووعه كتاباتك
اخ بسام ممكن القي اشعارك عندنا بحسينيه جدي لأن وايد عجبوني
والله لروعه قلمك بالتوفيق ومن المتابعين ان شاء الله دووووووووم
تبارك الله اللهم صلّ على محمد وال ومحمد

ما شاءالله عليكم
اوك اختي بالخدمة
والقصائد هدية لكل موالي مخلص لمذهبة