رواية [ اعشق الخيآل والحلم هو انت ] بـ قلمي .. ملكوت..

[ملكوت]

	بسم الله الرحمن الرحيم .. اول مره اكتب روايه واتمنى تشجعوني وتحمسوني وتعجبكم بقلمي ملكوت .. مقدمه ~ كـ موج الخريف اشتآق لـِ حب يملئ كوني حنين .. كـ رمش الأهداب اعشق الخيآل و الحلم البرئ .. تدور هذه القصه عن فتآه خيآليه جدا تبحث عن حب وحضن حنون يلمها لحظات حزنها وفرحها .. بطلة القصه .. [ زهـرهـ] .. فتاة متواضعه حنونه جدا رومانسيه بشكل غير طبيعي خيآليه حساسه لدرجة انها تبكي لأتفه الأسباب .. صحت من نوم عميق ملئ بـ الأحلآم الورديه .. شافت السآعه 7 .. انرعبت .. يآ الله .. شلون اللحين بلحق على المدرسه اف ..اكيد اللحين الحصص بدت .. قامت من على السرير بملل وضجر .. دخلت تتروش ع السريع وطلعت رتبت شعرها ولبست المريول وخذت الشنطه وراحت المدرسه .. في المدرسه .. اسماء صديقة زهره الروح بالروح وكاتمة اسرارها .. اسماء تهمس لها : تو الناس لكان جيتي كان نمتي بعد .. زهره : شسوي بعد راحت علي نومه .. اسماء : اكيد سهرانه ؟. زهره : سساكته وحاطه يدها على خدها وتحرك القلم .. اسماء : وش فيك عسى ماشر شكلك متضايقه؟ المعلمه : وش هالصوت اللي اسمعه منو اللي تتكلم .. وتطالع اسماء وزهره انتو اللي تتكلمون ؟ اسماء وزهره ساكتين ويطالعون بعض .. المعلمه : انتو الثنتين طلعو برا .. زهره : بس احنه كنا نتكلم عن الدرس .. المعلمه : لو انو صج عن الدرس كان سألتو مو تتهامسون يلا برا ولاتكثرون كلام .. اسماء وزهره طلعوا برى وقامو يتمشون في الساحه وكانت الساحه فاضيه لأن وقت حصص .. اسماء :زهره وش فيك من جيتي وانتي مضايقه فيك شئ لاتخبين علي انا صديقتك .. زهره : والله مدري شقول ل كانا نفسي مدري ليه متضايقه ونفسيتي صايره زفت هالأيام .. اسماء : بس انتي لازم تعرفين شنو فيك مايصير كذا .. زهره :الله يعين ,, صار وقت الخروج من المدرسه .. زهره ركبت الباص وراحت بيتهم .. العصر .. زهره : آآآآآخ آآآآآآآآآآخ .. اسماء تتصل : رن رن رن ... زهره بتعب : ا ا ا لو وو ,.. اسماء : زهره وش فيك شكلك تعبانه حييل وش صاير فيك .. زهره وهي تبكي : والله مدري تعبانه حييل مو قادره اتحرك .. اسماء : خلاص خلاص باي انا جايتك بوديك المستشفى .. جات اسماء لزهره وراحو المستشفى .. اسماء : طمني دكتور وش فيها زهره .. الدكتور : اطمني مافيها الا العافيه ان شاء الله كم يوم وتصير احسن بس خل تنتظم على العلاج .. اسماء : ان شاء الله .. رجعوا البيت .. اسماء : انتي لازم تنتظمين على العلاج .. وترتاحين وانا باخذا لش اجازه من المدرسه .. زهره : ان شاء الله وآسفه تعبتك معاي .. نامت زهره .. وفي نومها العميق حلمت ان رجال في العشرين مسك ايدينها وهي تبقى تهرب منه وخايفه وهو يترجاها يقول لها لاتتركيني ارجوك لا تتركيني .. وصار هالحلم يتكرر لمدة 4 ايام .. وهي مستغربه .. قالت لصديقتها اسماء .. اسماء: اكيد هذا حبيب القلب فارس الأحلام ياعيني ..هههههههههههه زهره : والله فاضيه اقول ل شانا جلست مرعوبه من الحلم مع انه حلم عادي وحلو .. اسماء : لاتحاتين ترى كلو هذا حلم.. زهره: الله كريم اسماء : الموهم انا اليوم بروح السوق ابيك تروحين معاي .. زهره : والله مدري اقول حق اهلي واعطيك خبر.. اسماء : اوكي بس حاولي .. زهره ان شاء الله .. بالليل .. اسماء : هلا زهره يلا نزلي انا تحت بالسياره انتظرك .. زهره : ان شاء الله .. في السوق .. دخلو محل ساعات رجالييه اسماء بتشتري لـ اخوها هديه لعيد ميلاده .. زهره : تطالع الساعات وهي مندمجه وتمشي مو منتبهه .. و اصدمت وي واحد ورتبكت .. زهره : آ آ سسف ه .. والله ماكان قصدي .. الرجال : لا معلي شانا ماكنت منتبه .. حصل خير .. زهره طلعت من المحل بسرعه وطلعت وراها اسماء .. اسماء : وش فيك ليشت بكين ترى ماصار شئ انتي ماكان قصدك .. زهره : بس انا خفت يقول عني متعمده او شئ ثاني .. اسماء : لا معليش .. المهم يلا خل نروح المطعم نتعشى ونرجع البيت .. راحو المطعم جلسوا على طاوله .. وراحت اسماء تطلب لهم .. زهره شافت الرجال اللي صدمت فيه ودققت في ملآمحه .. تقول في نفسها يالله انا كأني شايفه هالرجال من قبل بس وين ياربي اهو هذا اللي انا صدمت فيه بس انا مساعه ماشفت وجهه .. يالله وين شايفته لازم اتذكر .. [ ياترى من يكون هذا الرجل ] انتظروني في الجزء الثاني .. اذاشفت الردود والحمااس بكملها ..

[تالين]

سلاااااام
أنأ ماقريت الروايه بس شكلها حلوه
وراح أكون من قرائه إنشاء الله
الحين بنام وبكره بقراء :)
بااي

[عاشقة العترة...]

حلووووووووووووووه القصهة

يعطيكك العافيهة
واسسسسسسسسسسسستمري في الكتابهة

[تالين]

هااي
إلروايه روعه بس إنتي بسرعه تمشين الأحداث
وأتوقع الرجال نفس لى في الحلم
وأنتي توك تكتبين أنا هالفتره بنزل روأيه عجبتني حق الكاتبه مرسى أحلامي و لما أنزله أقريها
صدقيني بتستفيدين إلانه أسلوب مرسى روووعه ماشاء الله عليه حتى إهي أول مره تكتب
ع فكره ترا إلبارت {الجزاء} قصير
تحياتي

[ملكوت]

ششكرا لمروركم حبايبي ..
ان شاء الله الجزء الثاني راح ينزل اليوم ..

[ملكوت]

الجزء الثآني ..
في المطعم ..
زهره تاكل بهدوء وهي متوتره من هالرجال اللي شافته تحاول تتذكر وين شافته بس مو مذكره ..
اسماء : زهره ودي اسئلك سؤال ممكن ..
زهره : أي عاداي تفضلي سئلي ..
اسماء : لو تقدم لك احد راح توافين ؟
زهره بـ انصدام .. : زواج ..
اسمآء : شرايك يعني لعبه مثلآ ..
زهره : لآ بس صدمتيني انا ماافكر في الزواج وانتي تدرين انا توني صغيره وحتى مابعد اتخرج من الثآنويه ..
اسمآء : عآدي يعني وش فيها لو تزوجتي وانتي تدرسين حاولي تفصلين بين الزواج والدراسه ..
زهره : طيب منو اللي بيتقدم .؟.
اسمآء : اخوي طيوب وحبوب وعمره 23 ويشتغل .. ومقتدر على الزواج ..
زهره: مدري افكر ..
اسماء : طيب خذي راحتك ..
زهره : طيب ..
بعد ربع سآعه .. وزهره لآزالت تفكر في هالرجال وين شايفته ..
زهره بخوف وبكآء .. : اسماااء اسسماء ..
اسماء بفزع : بسم الله وش فيك قصري صوتك فضحتينا يم الناس ..
زهره : عرفته عرفته والله عرفته ..
اسماء : منو اللي عرفتيه ؟.
زهره تأشر على الرجال : هذا هذا وهي تبكي الرجال اللي بالحلم قال لي لا تتركيني ..
اسماء : أي حلم انتي تتوهمين هذاك حلم يمكن انتي مشبها عليه اهدي ..
زهره ببكآء : هذا هو انا متأكده والله اهو ..
الرجال سمع صوت البكاء والتفت لمصدر الصوت وشاف زهره منزله راسها تبكي واسماء تهديها ..
الرجال بـ ربكه وفرح وحزن : معقوله معقول ذي لاماني مصدق
شلوني ياربي شلون ؟؟ انا ماني فاهم شئ ..
صديقه : وش فيك عبدالله ؟؟ وش اللي معقوله ومنت مصدق ؟؟
عبدالله : بعدين بعدين اقول لك ..
اسماء : زهره اهدي الناس كلها تطالع فينا ماصارت هذا حلم يخليك تنزعجين وتبكين كذا وش سر هالحلم اللي كل ماتذكرتيه بكيتي وتضايقتي ؟.
زهره ببكاء : آهـ مدري اسماء مدري تكفين خلينا نمشي من هنا ..
اسماء : يلا قومي بس ادفعة الحسآب انتظريني بالسياره ..
زهره قامت ونست شنطتها واسماء راحت تحاسب ..
عبدالله شاف الشنطه وطار قلبه واخذها وطلع من المطعم ..
لحقه صديقه مازن بس مالحق عليه اختفى ..
زهره في السياره تبكي مو حاسه انها نست شنطتها ..
جات اسماء وركبت السياره تهدي زهره ..
عبدالله توه بيجي عشان يعطيها الشنطه الا مشو ولا لحق عليهم ..
مازن : وينك انت وين رحت ياخي طفشت وانا ادور عليك
شاف الشنطه في يده قال له مهبول انت تاخذ شنطة البنت اللحين يفكرون انك سارقها ..
عبدالله وهو متسند على السياره وحاط ايده على خده وسرحان ..
مو حاس انه مازن يكلمه ..
مازن : عبدالله وش فيك وين رحت ..
عبدالله : هلا هلا مازن انت متى جيت ..
مازن : لا صح النوم انت اللي وينك من ساعه وانا اكلمك وانت سرحان في شنو ..
عبدالله : لا سلآمتك ولا شئ ..
مازن : انزين وش بتسوي في هالشنطه انت لآزم تسلمها لصاحبتها او تعطيها الشرطه وهم يتصرفون ..
عبدالله : لا ماعليك انا بتصرف ..
مازن : براحتك بس ترى لا تنسى اهي امانه عندك..
عبدالله : افآ عليك لا توصي حريص ..
مازن : يلا اجل مشينا ..
عبدالله بضيق وحزن : مازن طلبتك خل نروح البحر متضايق ابي اشم شوية هوى ..
مازن : بس الوقت متأخر ..
عبدالله : خلآص اجل انت روح البيت وانابروح لحالي ..
مازن : لآ خلآص بجي معك ..
********************
في السياره ..
اسماء : زهره انتي وش سالفتك من تتذكرين الحلم اللي حلمتيه تبكين وتتضايقين ..
زهره : مدري والله مدري بس احس بـ احساس غريب احساس الحزن والفرحه ..
اسماء : طيب هدي ولا تحاتين وانسي هالحلم وهالرجال اللي شفتيه ..
زهره : مقدر يااسماء والله مااقدر كل ليله اتذكر هالحلم واحس انه مصيري متعلق فيه ...
اسماء : ذكري الله ترى هذا حلم انتي لازم تقنعين نفسك انه حلم ..
عند بيت زهره ..
زهره : يلا اسماء باي وشكرا على العشاء ..
اسماء :شدعوه ولو ماسويت شئ .ولاتنسين تفكرين بالموضوع اللي قلت لك عنه . هههههههههه
زهره : ههههههههههه ان شاء الله ..
على البحر ..
عبدالله جالس على الصخر ويفكر .. ويرمي في البحر حصى ..
مازن : عبدالله وش فيك من شفت ذيك البنت اللي بالمطعم وانت متغير ..
عبدالله : سلآمتك مافيني شئ ..
مازن : تخبي عني ياخوي وانت تدري ان انت اعز اصدقائي واخوي اللي ماجابته امي ..
عبدالله : والله يامازن مدري شقول لك ..
انا قبل فتره .. تقريبا قبل اسبوع شفت هالبنت في الحلم ..
حلمت انها غرقآنه في بركه كبيره مره وكانت تناديني بأسمي وانا استغربت انها تعرف اسمي تقول عبدالله انقذني تكفى لاتخليني ..
انا قمت ابكي في الحلم ومسكت يدها وجف الماي اللي في البركه وقلت لها انتي اللي لاتتركيني انا احتاجلك ..
قالت لي وهي تناظر عيوني انت خيآل .. انت خيال .. انت خيال ..وانا لقيتك في الخيال ..
وجلست حسيت ا ني فرحان بس متضايق ..
مازن : الله الله وش هالحركات وش هالرومانسيات ..
عبدالله ببتسامه خفيفه : الأحلآم حلوه بس ليتها تتحقق من دون عواقبها ..
مازن : بس انت متأكد ان اهي البنت اللي بآلحلم ..
عبدالله : متأكد مثل ماانا اللحين متأكد انك قبالي ..
مازن مبتسم .. : والله غريبه والأغرب حلمك انزين والشنطه اللي عندك ..
عبدالله يهز بكتوفه : مدري ..
زهره : يالله شكلي نسيت شنطتي في السياره بتصل على اسماء تاخذها عندها ..
يوووه جوالي بالشنطه شسوي ياربي اللحين ..
بكرا بالمدرسه اسألها .. اذاكر اللحين احسن ..
وهي تذاكر تذكرت الحلم وقامت تبكي ..
ياربي وش اسوي شالحلم اللي موتاركني بحالي ..
وغفت وهي تبكي ..
جلست الصباح وهي تحس انها تعبانه وعيونها حمره من كثر البكا ..
وماراحت المدرسه نامت مره ثانيه ..
**********************88
عبدالله في سابع نووومه ..
طرن طرن طرن طرن ..
عبدالله يتحرك ويتأفف يالله وش هالأزعاج ..
ونام مره ثانيه ..
طرن طرن طرن طرن طرن طرن ..
طرن طرن طرن ..
جلس ..
افففففففففففففففففف ..
يالله منو مغير نغمة جوالي ..؟
وياخذ الجوال مسكر ومافيه مكالمات ..
يالله اجل منو جواله اللي يرن ..
ويلتفت ويسمع مصدر الصوت من شنطة البنت اللي عنده ..
ويروح صاروخ للشنطه ويفتحها ويطلع الجوال ..
مكتوب على الجوال ( اسسومي ) يتصل بك فتح عيونه قال اسومي ..
وحط الجوال مكانه قال هذي الشنطه امانه مايصير اني اخذ اللي فيها ..
ورجع على السرير بينام بس ماجاله نوم من تذكر البنت اللي بالمطعم ..
وجلس يفكر وش يسوي عشان البنت والشنطه ومالقى له أي تفسير ونام ..
***************
اسماء : يالله مدري شفيها زهره ماترد ياربي ليكون صار فيها شئ الله يستر
انا لازم اروح لها البيت يمكن صار فيها شئ لاسمح الله ..
اسماء راحت لزهره البيت ودخلت غرفة زهره شافتها نايمه ومبين عليها التعب ..
صحتها بشويش وجلست زهره ..
زهره : اسماء انتي مارحتي المدرسه ؟
اسماء : لا انا قمت احاتيج اتصل عليج ولا تردين وجيت خفت صاير فيج شئ ..
زهره بـ صدمه : جوالي .. بس انا ناسيه الشنطه في السياره ..
اسماء : أي سياره .؟
زهره : سيارة سواقك البارح يوم جينا من السوق ..
اسماء : بس انا ماشفت شنطه بالسياره
..
زهره اشوي وتصيح : يالله اجل انا وين نسيتها وييييين ..
اسماء : زهره هدي ان شاء الله نلقاها مايصير كلما يصير شئ تبكين
زهره : اسماء انتي شفيك الشنطه فيها اشياء تخصني وفيها دفترك الأدب ..
اسماء : يولي الدفتر انا ماابيه اطلع لي جديد بس انتي اهدي ..
زهره : اسماء شفيج الشنطه فيها جوالي والبوك ودفتري الخاص ودفتر خواطري وكل شئ مهم ..
اسماء : انتي بعد الله يهديك احد يحط اغراضه الخاصه بالشنطه ويروح أي مكان ابهم ..
زهره : ياربي شسوي اللحين شسوي ..
اسماء : خلآص اهدي وان شاء الله نشوف لنا حل ..
******************888
عبدالله جلس من النوم ..
خذ له شور وصحصح وتصل عليه مازن ..
عبدالله : هلا والله مازن ..
مازن : هلا بيك .. كيفك وشالخبار ؟
عبدالله : الحمدلله تمام ..
مازن : انا عازمك على الغدا بمرك ..
عبدالله : لا معليش مازن تعبان اليوم شوي خله عشا افضل ..
مازن : طيب براحتك تامرني على شئ ..
عبدالله : سلامتك .. مع السلآمه ..
عبدالله جلس على السرير ويطالع بالشنطه .. ويفكر ..
يالله افتحها ولا ماافتحها .. بس لازم افتحها اشوف شنو فيها يمكن فيها شئ يوصلني لها .. لالا هالشنطه امانه عندي مايصير افتحها ب ب سس بس انا ..
تتوقعون عبدالله يفتح لشنطه ولا لا ؟؟ توقعاتكم تهمني ..
وان شاء الله اذا شفت الردود مثل النمل على السكر >> هههههههههههههههههههههههههههههههههههههههه
بنزل جزئين مع بعض ..
اتمنى تعجبكم وتحمسوني اكملها ..

[خادمة سيد الشهداء]

روااية رووووووووووووووووعة حيييل عجبتني اتمنى تكلميهاا
اتووقع عبدالله رااح يفتح الشنطة تحيااتي

[تالين]

بارت رائع
اتوقع بيفتح الشنطه
وياريت تكبري الخط مثل البارت الاول