هـنـا دخــان يحرقـنـي وطفـايـه و ولاعــه

[عـازف الآهـات]

هنـا جـرح وهنـا دفتـر قصيـد ونـزف بكتابـي
هـنـا دخــان يحرقـنـي وطفـايـه و ولاعــه

هنـا جـوال .. ياصوتـي ذبلـت وقلـت بأسبابـي
هنـا شاحـن كـذا مهمـل يشيـل أحـزان سماعـه

هنـا بعضـي سكـن ذيـك الزوايـا ومـلّ جلبابـي
هنـا علّقـت صدماتـي ألـف شـكـراً ياشمـاعـه

هنـا بــردٍ تلحّفـنـي وهـنـا جــوعٍ تغـدابـي
وهنـا ضاقت بـي الدنيـا وحـيـدٍ أكـثـره بـاعـه

وهنـا مرايـه ملامحهـا حزينـه جـتّ تهجـابـي
ملامـح زيّ ملامحهـا كــأن الشغـلـه طبـاعـه

شهر مرّ وسنه مرّت وأنـا عايـش علـى أعصابـي
ثوانـي غربتـي تنـزف وأناظـر عقـرب الساعـه

أحـس بداخلـي ليـل وبقـايـا عـطـر بثيـابـي
وأحـس أن الزمـن يمشـي ولكـن طـال مرباعـه

وأحـس أنـي هنـا ومانـي هنـا والسبـه غيابـي
وأحـس أنـي هنـاك وينتشـي النعنـاع نعنـاعـه

ذكرت أمـي وتذكـرت الدمـوع وطاحـت اهدابـي
وحشا ماني بناسيهـا لـو ينسـى قلبـي أوجاعـه

هـنـا أنفاسـهـا فيـنـي وصورتـهـا بـدولابـي
وهنـا تتنهّـد بـصـدري وأحــس الآه ملتـاعـه

هنا عطـف وهنـا رحمـه وهنـا صـوتٍ تهقوابـي
وهنـا شـحّ الزمـن لكـن بحـاول أنهـي صراعـه

ربحت أشيا وخسرت أشيا وكل هـذا علـى حسابـي
وأنـا ماهمّنـي لـو هـم يقولـوا جـتّ بـذراعـه

وأنـا ماعاد بـي قــدره عـلـى هــمٍ تلـوابـي
أحد قبلـي عصـاه الوقـت يايمّـه ومـلّ ثـم طاعـه

عشـت بواقعـي هــذا وربــي عـالـمٍ مـابـي
ولا أحدٍ سأل عني ولاحـدٍ قـال / شوضاعـه ...؟؟

يايمّـه لـو تخيّلتـي نسـونـي حـتـى أصحـابـي
وربعـي همّلـونـي والبـن آدم هــذي أطبـاعـه

وناسـي ماهـم بناسـي ولا أحبابـي هـم أحبـابـي
ومركـب رحلتـي يمّـه حزيـنٍ ينـعـي شـراعـه

أبي أشره علـى بعـض الخلايـق وأبـدي أعتابـي
وأقـول أنـي تجرّعـت العـذاب المـر بأنـواعـه

شمالـي ياوسـع صـدري ولاعمـر أنقفـل بـابـي
ومنهو صـدّ عـن عينـي أقـول السمـع والطاعـه

وأنـا لـي قلـب ياعمّـي أحـب وأبـدي أعجابـي
وكـلٍ يتبـع شـعـوره وكــلٍ يتـبـع اطمـاعـه

وأنا اللي عـارفٍ ذنبـي وأنـا ادري ويـش سوّابـي
وكلام الخلـق أعرفـه زيـن كـذب وزور وشمّاعـه

أنا من حسن حظّـي ذبـت عشـق وخافقـي ذابـي
وأنا ماني مثـل غيـري ضعيـف شعـور مرفاعـه

أنـا عبـدٍ قنـوع ومؤمـن وراضــي بسكـرابـي
ريالـي ماهـو بجيبـي وشيكـي معـرف أيـداعـه

تذكّـرت السوالـف كـل أبوهـا ثـم ضحـك نابـي
وضحكة ( نوف ) تسرقني يا طماعه / ياطماعه ....!!

تقول ( أحلام ) تضربني و ( سهام ) بتاخـذ ألعابـي
وأبي تكتب لي الواجـب أنـا ملّيـت / خداعـه .....!!

وأحـس أنـي بديـت أذبـل ولونـي صـار عنابـي
ومايـل للسـواد أكثـر وأحـس النفـس مرتـاعـه

وأحس أن الوجع صاير ياعمّـي بصـدري أرهابـي
وقلبي ( نايف بن عبدالعزيز ) وصبري أتباعـه ...!!

وأحس اني وأحس انّي وأحس أنـي علـى اعصابـي
وثواني غربتي تنزف وأناظر عقـرب الساعـه ...!!

[براءة...]

روووعة مدري ليه كدرني الشعر

يسلمو

[عـازف الآهـات]

بـرآءهـ

شكرا لمطرك الذي هل في أركآآآآني

كان مرورك غيث

أسقى الحرف من بعد الظمأ

ونطق به لمن يستحق

غمرتِ الحرف وصاحبه


لروحك النرجس

[سيهاتي....]

صح السااااااااانك

تقبل مروري بكل ود

[عـازف الآهـات]

سيـهآتـي

كلماتك تلك كسحر زرقة الليل

المختلطة بنور القمر

بعطائك أحلت زرقة سمائي

إلى بيآآآآآض

ألف شكر لروحك كما أنت

[فلسفة واقعنا...]

رووووووووعه و الله مررره بقوهـ بقوهـ
يسلمووو ع الطرحـ الإبدـآإع

[عـازف الآهـات]

عشـقي حسينـي

لم يكن متصفحي بالروعة التي وصفتها

إلا لأن امثالك

هطلوا عليّ من الأفق الشامخ بالجمال

حرفك يسكن وريد حرفي

فيزيد نبضه رونق

اسدلتِ عليّ باذخ الإطراء


دمتِ بحفظ المولى

[سمو البرـآءه...]

إبدـآع بكل مـآ تحمله الكلمــــه من معنى ـآ ..

تقبل مروري ..

دمت بدفء ع قولتك هع ـع