شاب ترك أمه على البحر

السـ جرح عيوني ــهر•._.•... · #1 12-26-2010, 11:13 PM

فيه اثنين شباب راحوا البحر جلسو
على الشاطئ ووياهم عشاهم
. وهم جالسين يتعشو

جتهم عجوز كبيره في السن وقعدت
تلقط الأكل المنثور على الأرض وتأكل. ولما شافوها
قالو ليها أنتين جوعانة قالت

أنا هنا من الصبح وماأكلت شي
جابني ولدي من الصبح وراح
وخلاني وقالي راح أجي آخذك بعد شوي.المهم جابوا

ليها عشاء وتعشت. وبعد ما تأخر
الوقت شالوا أغراضهم وحسوا الشباب إن الوقت
متأخر والجو بدا يبرد ومايصير

يتركو العجوز على الشاطئ
لحالها في الليل وجى واحد
من الشباب وقال ليها
عندك رقم ولدك نتصل عليه نخليه

يجي يآخذك . قالت العجوز إيه ويايي
الرقم في ورقه . ولما طلعت
الورقه . ويش تتوقعوا مكتوب
فيها !!! مكتوب (

من يجد هذه المرأه يآخذها
لدار العجزه) انفجعو
الشباب من المكتوب في الورقة
وجلسوا ساعة يترجو العجوز

تمشي وياهم
. ويحاولو فيها إنهم يوصلوها
أي مكان هي تبيه . أكيد العجوز
رفضت أنها تروح وياهم لأن ولدها

وعدها إنه يجي يأخذها وتبي تستناه
لما يجي.وكانت تقول ولدي
راح يجي يآخذني وأنا راح استناه .>>ماتدري

المسكينه إن ولدها تنكر
ليها ورماها في الوقت الي هي فيه
محتاجه ليه.المهم راحوا الشباب عنها وأتركوها على

أمل إن ولدها راح يجي
يآخذها حسب وعده ليها
فيه واحد من الشباب قعد يتقلب
في الفراش وماقدر ينام يفكر في

مصير العجوز المسكينه
وقام من فراشه وغير ملابسه
وركب سيارته وراح للشاطئ.
ولما وصل. شاف الاسعاف

والشرطة والناس مجتمعين
ودخل بينهم شاف العجوز قد فارقت الحياه
ولما سألهم عن سبب وفاه العجوز قالو ليه

أرتفع وياها الضغط وماتت.
ماتت من خوفها على ولدها
يمكن يكون صار ليه شي. ماتت
وهي تستنا ولدها يجي

يآخذها. ماتت وهي بعيده
عن أهلها. الله يرحمها برحمته
ويدخلها من أوسع ابواب جنته
.أدعوا ويايي آمين.

أرجو من كل من يقرأء
هذه القصه
أن ينشرها لتكون موعظه
لكل>>عاق لوالديه