قولي لي وش فيك طفشانه ؟!!

[عـازف الآهـات]

تنفّـس الصبـح بأنفاسـك
منّك خذآ أبهـى ألوانـه !!

أشرق جبينك علـى ناسـك
للحسن والذوق سلطانـه !!

هالحين يابخت مـن باسـك
وردة شفايفْـك بردانـه !!

البـارح تشاغـب أنعاسـك
وعيونك السود ذبلانـه !!

ياما حلى الموت من كاسـك
فديـت سكّـرْك يافلانـه !!

من اللي ياطفلتي حاسك ؟!!
قولي لي : اشفيك طفشانه ؟!!

لا لا تعقّـد كـذا أقواسـك
أبتسمي منتي بخسرانـه !!

دام الغنـاديـر حـرّاسـك
والشاعر وكـل قيفانـه !!

والجدي وسهيـل جلاسـك
وحوريّة البحر والدانـه !!

من لهفتي جيتلك ماسـك :
قلبي ونبضه وشريانـه !!

جيتك أبي صادق أحساسـك
أدوّر بخافقـك خـانـه !!

أباخذ العلم مـن راسـك :
هالحب منهو على شانه ؟!!

..

[سيهاتي....]

احلا ياعااااااااازف

عزفت على اوتار القلوب

[عـازف الآهـات]

سيهـآتي

يا أمير للذوق المترف

النص لبس ثوب الضوء

حين منحته شرف مرورك النور

أهلاً بسموك بساتين

ردك أغنية تنسكب على نافذتي

بحلو الكلمات

سلمت ولا عدمتك

كُن بخيرْ

[قيثآره]

بصرإأآحـــه شي شي

الشعر يجنن

ربي مايحرمنا منك خيووو عااااازف

[عـازف الآهـات]

قيثـآرهـ

وما الروعة إلا الكلم المنبعث من قلمك

حضورك ألق وزهر نديّ

وكلماتك تلك قناديا فرح وامل لي

سلمتِ لي

ولا عدمتك غاليتي

كوني دوماً بالقرب

لروحك نسمات ود

[سمو البرـآءه...]

^^ محد يســأل بنت ليه طفشـآنه تلــآقليهـآـآ هي بنفسهـآ مــآتعرف الجوــآب هــع
..

مبـــدع مثـل مــآ عرفنــآك

[عـازف الآهـات]

سـمو البـرآءهـ

مرحبا بحلولك يا شفافة

بك تبتسم الأوراق

وتزهو حد الإمتلاء

حضورك ِ قريب للقلب

كل الشكر

كوني بدفء

[ترانيم]

طفشانة من تعب قلبي خخخخخخخخخخخخخ

يسلمووو خيي